1 | |
HStAOrient5a: 59r bināda ciheteyn ile qāyimdür. Ammā ḥaqq‑i mālik dıraḫtda min // vechin qāyim min vechin ġayr‑i qāʾimdür. Zīrā dıraḫt min vechin müstehlekdür. // Pes ḥaqq‑i ġāṣıb taqdīm olındı. İʿtirāż: Dıraḫt min vechin // bāqī min vechin hālik olmaq emr‑i muḥāldür. Zīrā baqā ve helāk // żıddāndur. Wa‑ḍ‑ḍiddāni lā yaǧtamiʿāni fī maḥallin wāḥid. İmām Şāfiʿī // raḥimehu llāhu taʿālā eyidür ki ḥaqq‑i mālik munqaṭıʿ ve dıraḫt hālik // olmaz. Nite‑kim ġāṣıb cāme‑i maġṣūbayı gendü cāme‑i memlūkası // ile maḫlūṭ ėdüb ṣandūqına vażʿ ėtse ḥaqq‑i mālik // cāmeden munqaṭıʿ olmaz. Ve hem‑çünān ġayruñ arżında // köşk binā ėtse ṣāḥib‑i arżuñ ḥaqqı sāqıṭ olmaz. // İʿtirāż: ʿAyn‑i dıraḫt qāyim idügi müsellem degüldür zīrā // ṣıfat‑i menqūlīyet ʿaqārīyete ve aṣlīyet tebaʿīyete mübeddel // oldı. Zīrā tābiʿ‑i mülk‑i ġāṣıb oldı. Ol sebebdendür ki // bu maḥallde şufʿa s̱ābit olur ṣandūqdaki cāmede olmaz. // Ḥikāyet: İmām Şāfiʿī ḥażretleri buyururlar ki bir gün // Muḥammed bin Ḥasan ile ittifāq‑i ṣoḥbet vāqiʿ oldı. Es̱nā‑yi // kelāmda baña eyitdi ki mesmūʿumdur ki mesʾele‑i ġaṣbda baña ḫilāf // ėdermişsün. Ben daḫı kelime‑i īcāb ile cevāb vėricek // beni imtiḥān içün münāẓaraya meydān gösterdi. |